بسم الله الرحمن الرحيم
السلام عليكم ورحمه الله وبركاته ،،

بارك الله فيك حلمت اني عروس ولابسه فستان ابيض وكان شكلي جميييل ولمن جيت انزف وشغلو اغنيه الزفه خرجت للناس ولمن جات اغنيه العريس وقف شريط الزفه وانا توترت وشويا رجع اشتغل بس ماخرج العريس معايا واكتشفت انو امي ضغطت زر الدي جي بالغلط وقفلتو وانا شوي وببكي وكملت الزفه لوحدي ، بعدين خلصت الزفه وجلست دخل عمي واستغربت انو اللي دخل عمي مو ابويا واخذني للعريس وكان فالغرفه اللي فيها العريس ابويا وخيلاني واعمامي وسلمت عليهم وشوفت العريس شويا وخرجت رحت لامي وجات امي تبغا تعطيني طقم ذهب هديه عصبت عليها وقعدت اصرخ وابكي اقولها كلو بسببك خربتي زفتي مابغاك ولا ابغا هديتك ورحت بيت اهلي غيرت الفستان ونمت وانا ابكي وجات امي تراضيني وانا زعلانه منها

انتهى

علما اني / عزباء ومافي مشاكل بيني وبين امي
وجزاكم الله خير الجزاء