بسم الله الرحمن الرحيم



السلام عليكم ورحمة الله وبركاته :

ارجو تفسير رؤياي جزيتم الفردوس الأعلى من الجنة

رأيت كأني كنت اجلس امام احد المولات على احد الطاولات الخارجيه على يمينها بحيره ونوافير تابعه للمول وعلى اليسار باب المول ، مدري كيف اتسخت يدي او من ولدي رحت بسرعه علشان اغسلها دخلت المول مسرعه ماكان علي عبايه وكنت البس بنطول جنز وعليه مثل الباطلو الطويل صيفي لونه وردي وما اذكر شعري كيف كان بس اعتقد كأني كنت متحجبه وكنت لا بسه صندل الله يكرمك غالي من ماركه غاليه لونه اسود لامع كعبه عالي جداااا( هو ماركه معروفه بس في الواقع مافكرت اشتريه لانه غالي وغير كذا انا ما اعرف امشي بالكعب العالي وغير كذا انا في الواقع مستحيل راح البس كعب في مول !!!) رقيت فوق بالسلم الكهربائي علشان اروح لدورات المياه وانت بكرامه الا أتذكر اني نسيت وتركت اغراضي واكياس فيها اشيا شاريتها ، وشنطتي اهم شي كانت ع الطاوله ومحد عندها رجعت بسرعه انزل وانا اركض وادخل بين الناس بصعوبه لانه كان زحمه ، وانا اركض اكلم نفسي أقول اهم شي محفظتي صح ان فيها 150 ريال بس يالله اهون من لو ان المبلغ اكثر بس المصيبه البطاقات اللي تخصني ، يوم وصلت لمكاني الا لقيت اخوي (ع – عمره تقريبا 23 سنه _ طالب في الجامعه _اعزب ) لقيت جالس على الطاوله وحوله الاكياس والاغراض وماسك شنطتي ارتحت مره ..

شوي او حلم ثاني ما اعرف كأننا انا واخوي هذا اختطفنا واللي خطفنا حطنا في غرفه في شقه وقفل علينا وانا واخوي خايفين شوي ، يوم جا في الليل فتحنا باب الغرفه وتفآجأنا انه مفتوح !!! قلت اكيد هو نايم في احد الغرف في الشقه ، شوي راح اخوي يركض بسرعه وهرب لخارج الشقه استغربت مافكر فيني ، قلت في نفسي احسن خله لين يهرب علشان لو صار ماصار يكون قد هرب ،شوي يوم حسي لسي الوضع هدوء رحت بسرعه اعتقد لبست جزمتي بسرعه ، رحت اركض بشوي شوي وانا خاااااايفه جدا وطلعت من الشقه وخليت بابها شبه مفتوح خفت يحس بصوت الباب ، نزلت اركض قلت يووه ماحس فيني ليتني على الأقل اخذت محفظتي فيها بطاقاتي وكذا ،

لما نزلت تحت المشهد الاول كان مثل الممر ضيق بين هالعماره اللي نزلت منها وعماره مقابله لها وكان مره زحمه ومليان ناس رحت اركض بينهم لاخوي بعدين صرت امشي شوي شوي علشان مايشوفني ويميزني الخاطف بين هالناس في حالة لو كان لاحقني وانا ماحسيت فيه ، وشفت مشهد ثاني كان عدت الحلم الي ان نزلت من العماره بس بدل ما اطلع ع الممر الضييق بالعكس طلعت ع مساحه فاااضيه اراضي مقسمه بس فاضيه وفي وحده فيها مثل غرفة شينكو خاصه بعمال وطالعت خلفي العماره اللي طلعت منها تفاجأت انها مثل الغرفه الكبيييييييييييييييره فقط مبنيه من سمنت وعليها شينكو وكان لمحت شارع بس كان بعيد شوي كانه طريق سفر وكان مافيه اي احد بالمكان حتى أقول يوه حتي جوال مو معي ...



مطلقه من 3 سنوات تقريبا

موظفه وعندي ولد



والله يعطينا خير هالرؤيا وخير مافيها والله يصرف عني شرها وشر مافيها ..

والله يوفقكم ويسعدكم والمسلمين اجمعين ..