السلام عليكم
من سنه 2010 حصل جريمه قتل في
عمارتنا و بعدين فى ناس قالت لبابا على شيخ روحاني و جه عندنا البيت عشان يشوف لو في جن او كده يطرده واول ما الراجل ده دخل طلب مننا ان احنا نقفل باب الحمام بعدين طلب زجاجة مياه و فضل يتكلم مع واحده اسمها الحاجه فاطمة على الزجاجة دي و الزجاجه كانت كل شويه بتتحرك بعدين قال ان في جن فوق في الشقة اللى حصل فيها الحادث وهو حياخدهم عشان يسلموا و يشتغلوا معاه وبعدها فضل يقولنا بصي في ايدي حتشوفي شكل شيخ بدقن بيضاء جاي من بعيد بس انا مشفتش حاجه و حتﻻقي اسم الله مكتوب على جبهته وسالنى انتى مواليد شهر كام قلتله اغسطس قالى يبقى هتشوفي بس برضه مشوفتش بعدين طول القاعده انا كنت قاعده خايفه جدا و لما عرف انى خايفه قال لماما تجيب سكر و قرى عليه حجات و نفث فيه و بعدين اكلهولى بايده
بعد الموضوع ده بشهر او اقل من شهر دخلت فى امراض نفسيه كتيره جاتلى نوبات هلع جامده جدا و جالى رهاب الساحه بخاف اخرج من البيت و فوبيا بقيت بخاف من اى حاجه و روحت لدكاتره نفسيين كتير حالتى بتتحسن شويه بس بترجع بتسوء تاني
فانا عايزة اعرف هل اللى بعانى منه ده مرض نفسي و لا هل السكر اللي اكلهولي اذاني فى حاجه ؟
وانا بحلم بجن كتير جدا و بشوف وشوش على الحيطه كتير و بيجيلى شلل النوم