السلام عليكم

انا كان ليا موضوع ارتباط و فشل بسبب رفض ام الشاب

رايت اليوم قبل صلاة الجمعه انى على موعد مع اخت و ام هذا الشاب فى مسجد و كنت اصعد سلم المسجد لاذهب للمكان المخصص للنساء و اعلم انهم فوق بانتظارى و كانت تصعد امامى فتاة لابسه جيبة و بلوزة و طرحة كلهم لونهم اسود كأن عندها حالة وفاة و لما رايت وجهها عرفت انها صديقتى المتوفاه فى رمضان الفائت و قولت فى نفسى ممكن يفتكروا ان هى انا لكن قولت لا هما يعلمون انى سمراء و هى بيضاء و فعلا عندما صعدت صديقتى دخلت و جلست و كان وجهها حزين و السيددات فى المسجد كانوا يريدون ان يسالوها عن حالة الوفاة اللى عندها فبدا عليها كأنها ستبكى فآخرون قالوا سيبوها متسألوهاش على حاجة و انا صعدت وراها و كنت ارتدى نفس شكل لبسها لكن الجيبة كانت جينز و البلوزة لونها بمبى و الطرحة لونها بمبى و ذهبت ناحية صديقتى و عندما راتنى احتضتنى و احتضتنتها بمودة و حب شديدن لانى فعلا فى الحقيقة كنت احبها جدا ثم وقفنا جميعا كأننا سنبدأ الصلاة و قولت لصديقتى تعالى متخافيش فطلبت منى ان اكمل انا الحلم لانها لازم تطلع هى الان و مشيت و السيدات فى المسجد قالوا يمكن عشان اناروا لمبة كانت فوقها فانزعجت و مشت.
و بعد ذلك رايت نفسى مع الشاب و امه و اخته و تقريبا اهلى كمان فى ساحة الكلية بتاعتى كأننا سناخد صورة جماعية و انا كنت اقف جنبه و ماسكة فى ايدى كوباية نسكافيه و شعرت بان هناك اثار نسكافيه على فمى و حاولت ان انظفه فنظر هو لى و قال اجلسى على ركبتك فجلست فنزل هو براسه و قبلنى و سعدت جدا ان الامور بينى و بينه انصلحت و بعدين قولتله احنا الاتتنين لابسين تيشيرتات بيضاء تحت الهدوم تعالى نشيل هدومنا اللى فوق فى الحمام عشان نتصور بهم حيكون شكلنا احلى و قولنا للجميع هذا ثم ذهبنا و هو فى طريقه للحمام قابل فتاه تلبس بلوزة سوداء قالتله انت ليه ملبستش اسود زى ما قولتلك و ازاى تلبس ابيض فنظر اليها و لم يرد و كمل طريقه للحمام اما انا فكنت اصعد سلم و امامى امه و اخته و سمعت امه تقول لاخته انا مش مصدقة انك رتبتى اللقاء ده و كويس انك عملتى كده و لما وصلنا لطابق لقيتهم قعدوا حوالين ترابيزة و عليها ورق و كانت الام بتقول احنا دلوقتى حنكتب الكتاب فلم اصدق اذنى و مسكت يديها و قولت لها بجد حضرتك وافقتى فقالت نعم انا كنت فاكرة انك حاجة تانية غير اللى شوفتها فأنا رددت بهزار معاها انى ساعجبها فضحكت امه فلم تسعنى الفرحة فقولت لها انتظرى ساتصل بأبنها كى يأتى و يرى و يسمع بنفسه و كان ورايا واقف اخويا المتزوج فقولتله هات رقم فلان هو فى الحمام عشان يجى ادانى رقم غلط الاول اول رقمين منه قولتله لا مش هو ده الرقم لانى احفظ رقمه فقال لى فعلا سأتى لكى برقمه الصحيح و هو بيطلعلى الرقم استيقظت و انتهى الحلم على ذلك

صديقتى المتوفاة دى كانت مثال فى الاخلاق و التدين و كانت متزوجة و لديها ابن
الامور بينى و بين هذا الشاب تتعقد و هناك فتاه تريد ان ترتبط به