الرؤيا الاولى
رايت اني بغرفة وفيها خالتي وزوجة خالي وانا ماسكة طفل رضيع وفجأة صار يقرأ سورة الاخلاص وخالتي تحاول تغمزلي بدون ماتنتبه مرة خالي وكانها تقول لاحد ينتبه للولد انو يقرا وهو رضيع..انتهى

الرؤيا الثانية..
رايت ان خالتي شفا وبنتها رايحين الحج واقول لوالدي ابغا اروح معاهم احج في البداية مارضي وبعدين رضي وقلتله تعال معايا قلي ماغندي تكلفة الحملة حق الحج خليها السنة الجايا وبعدين كنا بمكان فيه ثلاجة ايس كريم واخذت واعطيت والدي واخذت انا كمان واكلته وكانت معانا الوالدة وكان والدي يقول بنروح منى ومزدلغة وفي الحلم ع انو بكرا عرفة واقول بدعي لابلة هدى ورحت انا والوالدة مكان زي الزقاق (الاماكن الضيقة بين العماير )ونمشي وعاليمين واليسار بسس (قطط) بس ما اذتنا وطول الطريق الوالدة تقول بسم الله وانا امشي وراها وكان قدامنا باب يودي ع جهة ثانية بس كان في طير بالارض ومنقاره شوية طويل دخلت امي وانا خفت من الطير وكان يتحرك وكاني بعدين مادخلت )بالحقيقة انا اخاف من كل انواع الطيور )انتهى.....

خالتي مطلقة بنتها جامعية غير متزوجة هدى مطلقة معلمة لديها مشاكل وهموم ..فترة الرؤيا ابدا ما كنت افكر بالحج

3/رايت ان احد يقول الغرفة دي يقصد غرفتي ينامو فيها 14والغرفة الثانية ينامو فيها 4...انتهى
البيت جديد منتقلين له من كم شهر والغرفة انام فيها انا واختي بس والغرفة الثانية ينامو فيها 3

انا غير متزوجة وغير موظفة.. الرؤيتين الاولى من سنة ونص والرؤيا الاخيرة من كم شهر تقريبا
اتمنى تفسيرها وجزاكم الله كل خير