السلام عليكم ورحمة الله وبركاته

حلمت قبل ثلاث شهور تقريباً وكأني جالسه في شقتي بنفس الصالون
اللي نجلس فيه دائاً واشوف ولدي الصغير متعلق في الستاره اللي على باب غرفة النون
ويتمرجح كأنه يطير وكان يضحك ومبسوط وانا استغربت كيف طفلي عمره سنتين ويسوي كذا وشكيت
في الوضع وكان فيه مدخل جانبي من الصالون لغرفة النوم مباشره ( وهذا في الواقع غير موجود) ودخلت منه
للغرفه ابي انام وكنا بالليل وكان موقع سريرنا مختلف كان بنفس الاتجاه اللي فيه الباب وكنت احس ان فيه ارواح شيطانيه بالغرفه
بس ماكنت خايفه ابدا وبالعكس كنت معصبه واتحداهم وكنت احس فيهم فوق الدولاب ويتخبون تحت الفراش وانا اسبهم وأبغى أطردهم بس ماكنت حابه ان زوجي يعرف علشان مايوسوس ويخاف لأنه كان بالأساس خايف ويرجف وماني عارفه ايش السبب
وفي الصباح وانا وياه نايمين إلا فجأه جاء والد زوجي وفتح الباب بسرعه وكان حالق شعره ولاف المنشفه حول جسمه من تحت الابط وفتح الباب وهو خايف ويقول ان س (ابني الصغير عمره ثلاث ونص) يقول انه اتصل عليه يبغاه يجي بسرعه
وش فيكم؟ وزوجي كان خايف ومو قادر يتكلم من الخوف وقلت أنا : اصلا انا شامه بالوضع وعارفه ان فيه شي في البيت وشفتهم
الا فجأه طلع اخوي الصغير من المدخل اللي عند الحمام وكأنه في الحلم غرفه جانبيه واستغربت متى جاء اخوي (لأن اهلي يسكنون في مدينه ثانيه) وقال اليوم الصباح جينا وشفت ولد اختي الصغير يلعب في الشقه وبعدين جت أمي تتكلم مع والد زوجي وتقول له مبين ان فيه سحر لازم نشوف حل

اللهم اني أسألك خير هذا الحلم ومافيه واعوذ بك من شره وشر مافيه
الله يجعلها في موازين حسناتكم ويجزاكم خير الجزاء