السلام عليكم ، مساء الخير ،

حلمت انو انا واسرتي كنا في مناسبة وفي قاعة وكانوا محتلفين كان عندهم عرس
بعد كدا جينا لنفس المكان وسار مهجور ووحدة من اخواتي دخلت جوى وفجأة طلع
لنا تمساح صغير مقفل عليها يبغى يعضها او ياكلها اهلي ماكانوا قادرين يدخلوا لكن
اانا كنت ورى التمساح واظن اني قتلتو على اساس اختي تقدر تخرج واظن اني ماقتلتو
لكن تهيأ لي انو مات من لحالو . كنا مفزوعين طبعًا .
بعد كدا سبت اهلي فجأة ورحت عند الوالد وكان تعبان ويبغى الحمام اخذتو لعند مول وقلت
للوالد استنى دقيقة حشوف الحمام فين واجي اخدك ، المهم رحت حصلت الحمام كان موجود
تحت الأرض وكان زي المستشفى ، اظن اني قضيت حاجتي ثم جيت للوالد ولقيت عدد كبير
من الشباب ملتمين عليه ويبغون يضربونو والدي كان قد قارب للبكاء استأذنت من الشباب
ان الوالد تبعان وحرجع اتفاهم معاهم وديت الوالد للحمام ودخل حمام غلط ولكن بالاخير قضى
حاجتو ومازال قليل التعب ، جيت للشباب بغيت اتفاهم معاهم لقيت الوالد جالس ويبكي يقول
انتم تعبتوني كثير ، ما اقدر اتحملكم . كنت امشيه ماكان يقدر يمشي لحالو ولمن بكى حزنت
وماقدرت اطالع فيه .... انتهى .