السلام عليكم ياشيخ فضلا فسر لي الحلم ان كان خير
قبل سنة حلمت شخص يمص ثديي الأيسر بشهوة




وبعد فترة من هذا الحلم حلمت حلم ثاني وهو اني أنا واخواتي ومجموعة من محارمي مااذكرهم كنا مع بعض في غرفة وكان معانا نفس هذا الشخص اللي بالحلم الأول بس كان في الحلم كانه صورة ومايتحرك ولا يتكلم بس يشوف ووحدة من اخواتي كانت تكلمني وتعاتبني وتقول لي المفروض انك ماتطالعي فيه
وانا أقول لها انه عادي اطالع فيه مثل ما اطالع لواحد من ازواج اخواتي


وبنفس الحلم انتقلت الصورة لخارج الغرفة هذي وكان في واحد من اقربائي جالس لوحده ويطالع في الأرض من شدة الحزن
هذا الشخص اللي خارج الغرفة كان خاطبني من زمان بس ماوافقت عليه




وأمس حلمت حلم ثالث وهو ان هذا الشخص في بيتنا وكانت امي معانا في الغرفة
الغرفة كانت مجلس الرجال
وكانه ببيتنا القديم مو هذا البيت اللي ساكنين فيه
وكنت انا وهو فرحانين اننا اتقابلنا مع بعض
وامي كمان كانت فرحانة ومبسوطة
وكانت تقول خلاص انا بجلس عندكم عشان ماتسووا غلط
بعدين تقوم وتخرج من الغرفة وهي تضحك وتقول حتى لو سويتوا شي انتوا حلال لبعض
وراحت وانا قفلت الباب


هذا الشخص في الحقيقة تربطني فيه علاقة زمالة بدات من 5 او 6 سنين
وتحولت الزمالة لإعجاب ثم حب لكن كل شخص ماكان يعرف ان الثاني يحبه لانه ماكان يظهر أي واحد منا أي مشاعر للاخر وكانت العمل بيننا رسمي وجاد جدا
وبعد فترة طويلة يعني بعد 4 سنين حب صامت وبالصدفة اكتشفنا ان كل واحد منا كان يميل عاطفيا للثاني بس مايبين شي


الحلم الأول والثاني قبل أعرف انه يبادلني المشاعر
والحلم الثالث كان بعد
غير متزوجه
26