السلام عليكم

مساء الخير
.
حلمت قبل 3 أيام تقريبا انو انا في مكان زي المخططات بس انو فاضي بشكل واسع حول الجبال
وكانت في عمارة او مبنى كبير حوالي 3000 متر مربع وكان مرتفع حوالي 15 طابق وكانوا
لسى يبنوه وانا كنت جاي بروح لسيارة ابوي وكان فيه امي واختي اللي اصغر مني لكن بالحلم
كانت رضيعه . يعني كأننا في عام 1422 هـ . المهم كنت ماشي بروح للسييارة والا اشوف
رافعة لونها اصفر وطويلة مره اتعجبت من شكلها واستغربت ! قلت معقولة في رافعة ترفع الحديد للطابق اللي فوق
بهدا الحجم والطول ! فمشيت قلت يمكن لان المبنى كبير . المهم وانا ماشي للسيارة حسيت انو
راح يطيح الرافعة ّ! وتوني وصلت للسيارة والقى امي تصرخ تقول بسرعة شغل السيارة بنموت !
المشكلة وقتها ابويا نزل وشال المفتاح واختي الرضيعة بالحلم توهم لي او حسيت انها تكلمت
وقالت الجنة افضل لنا ... ! المهم ماقدرت اسوي شي الرافعة طاحت على السيارة ويوم قربت
تصقع بالسيارة قمت من النوم .
.
.
عسى خير ان شاء الله