الله يحفظك ياشيخ فسر لي رؤياي
الله يرحمها ويغفر لجميع موتى المسلمين
رأيت جدتي المتوفيه منذ اكثر من 12 سنه في احلامي اربع مرات هذا الشهر

رأيتها مرتين تمشي في حديقة منزل والدي
والحلم الثالث
رأيت اني ادخل شقة (ام زوجي) لكن في الحلم كأنها كانت شقة (جدتي)
دخلت رأيت عند مدخل الشقه
(زوجة خالي) كانت جميله ولابسه ابيض سلمت علي وحضنتها وبكيت وقلت لها: ياريحة الغاليه
وكنت اقصد (خالتي )!؟
-كلهم على قيدالحياه-

وبعدها ظهرت لي (جدتي) من داخل الشقه و قالت لي :
ادخلي تعالي تعالي.
قلت لها :ﻻ ﻻ مابي
وكنت مابي اقعد كنت ابي اسلم فقط و اطلع من الشقه
بعدها رأيت (والدتي)
واقفه خلف جدتي و قالت لها :
خليها عنك ماعليك منها بتجيك بعدين.
(كانت تقصدني بكﻻمها)
بعدها
عطيتهم ظهري وطلعت من الشقه و دخلَّت مفتاحي في الباب من بره كنت انوي أقفل الباب عليهم بس كان القفل مخلوع وماله لسان لم ينغلق الباب.
وصحيت من النوم على اذان الفجر

بعدها بليلتين

رأيت جدتي في نفس مدخل الشقه ﻻبسه ملفع و كانت تمسك بيدها كاس بلاستيك لونه اصفر (فارغ)
قلت لها :يلله يمه ﻻنتأخر بسرعه..
كنت ابيها تطلع معاي في مشوار بس ماكانت مستعده
قالت لي :صبر صبر بشرب ماي.
كانت عطشانه و ريقها مررره ناشف لدرجة خدودها مشفوطه وﻻشربت ماي
انقطع حلمي نفس الشي على صوت الاذان.