السلام عليكم ورحمة الله وبركاته
اولا اشكر تواجدي بينكم
وثانيا انا حينما اشتركت بهذا المنتدي اشتركت عشان اشوط في الاخ ابراهيم الرفاعي
لكن بعد التسجيل وقراءة ردود الاخوة الافاضل اكتشفت انه ضحيه زيكم بالظبط زيكم وواحده واحده
الاخ ابراهيم نقل الاسماء والمعلومات دي من كتاب اسمه سحر الكهان تأليف وخدوا بالكم من كلمة تأليف دي \ السيد الحسيني الفلكي
وسيد الحسيني يا اخ ابو هريره مؤلف الكتاب مش عبد الفتاح الطوخي برغم انهم اقارب فسيد الحسيني ابن اخت عبد الفتاح الطوخي
واللي كان متصوف كان عبد الفتاح الطوخي
اما الاخ ابو شهاب راح داخل في الراجل دخله والا اللي بينهم تار وقاله انت متجوز كام واحده منهم وايه البخور اللي بتستخدمه هو يا راجل لو متجوز واحده منهم كان عرف يقعد علي النت ههههههههههههههههههههه
والله انت امرك غريب وانت بتقول قاهر الجن والعفاريت وانت بتنطق كلام متناقض لكن يا صاحبي واضح من كلامك غيره علي دين الله وده اللي حببني فيك برغم هجومك الحاد
اولا قصه برقان واللي قتله كرميائيل دي قصه اصلا من تاليف سيد الحسيني وهو قاعد يحشش وانا حاضرها لاني انا كرميائيل اللي يقصده وبرقان ده كان واحد سوداني اسمه عبدالله وانا يومها ضربته لما لقيته بيكتب حاجه لزبون عندهم بالتعكيس واكيد انت فاهم يعني ايه تعكيس
لكني غيرت بيدي ما رايت انه منكر وكفر وضلال
وسيد ده لا متصوف ولا تتشرف الصوفيه بانضمامه لها ده مجرد كافر ربنا متعه وخلاه عبره في موته لامثاله
لكن نرجع للاخ ابراهيم وسبب انه نقل من كتب الرصيف
لان ببساطه المخطوطات الاصليه اللتي تحتوي علي العلوم الصحيحه اصبحت داخل مكتبات الحكومه وطبعا ممنوع تداولها والاطلاع عليها وعشان تعمل كده لازم رتبه تكون حاطه بتاع كيلو نحاس علي كتفها
بالتالي الناس اللي زي الحسيني لما تتوصل لمخطوط بأي طريقه وتحشر وتقص وتلزق عشان الكتاب يبقي اجزاء وطبعا الامور بتختلط علي الغير ممارس للعلم فيقراء اسماء غلط فيضر بنفسه و المحيطين بيه
والكسبان طبعا المؤلف لان القاريئ لما ينضر ومايعرفش يتعالج بيرجع لمؤلف الكتاب اللي هو قراه
زي اخونا ابراهيم ماقرا ونقل اسماء صحيحه واسماء ليس لها وجود
ومتفق معاك ان مافيش شيطان بيخدم ايه قرأنيه بل ولا حتي حرف
لكن لما ترجع لاصول العلم تلاقيه تلات مراحل بالبلدي
علوي وسفلي وارضي
والعلوي مقصود به خدمة السماء الدنيا والسفلي خدمة ارضنا اللي هما القرائن والعمار الخ الخ والارضي هم الكفره والطواغيط اللي اسمائهم عندك يا اخ ابراهيم في مكائد بني اسرائيل في نفس الكتاب
والمعلومه اللتي ارغب بتوصيلها اللي الجميع ان ابليس له 21 ولد و21 بنت قسموهم في العلويات هتلاقوا ان من اول روقيائيل خادم سماء يوم الاحد الي كسفيائيل خادم سماء السبت شياطين ليس لهم علاقه بالملائكه ألا كلمة ايييل في نهاية الاسم واللي تحتهم من اول مذهب الي ميمون كذلك والاسفل ادني واسفل واكفر
فالعمليه كلها استحضار شياطين وترديد اسماء مانزل الله بها من سلطان
ذلك لايمنع من وجود جن مسلم مؤمن موحد واسلم منهم الكثير علي يد رسول الله صلي الله عليه وسلم
وشاركوا في الحروب والجهاد بقدر طاقاتهم
لكن اخبارهم نادره ومكتومه لايستطيع الشخص العادي الاستفاده من اثارهم

ويا اخوه عالم الجن حقيقي وهم فعلا متطورين عنا ويعلمون عن الانسان ما لايعلمه الانسان عن نفسه ولذلك حكمه يعلمها الله وحده

اما انواع الشياطين الاخري بالنص القرأني (بسم الله الرحمن الرحيم اهبطوا منها بعضكم لبعض عدو ) صدق الله العظيم
فنحن بالفعل في حالة حرب معهم من لحظة الميلاد الي اخر رمق
فيرحمنا الله ويشملنا برحمتة
واتمني ان نكون معا متواصلين لدحر الالتباسات اللتي وقعت فيها امتنا من لحظه دمج الهرامسه لعلومهم في بعض طرق الشيعه وبعض المتصوفه من عهد الخليفه المعتصم واصبحنا الان لا نحصل علي حقائق بل نسير في دوائر مغلقه
تسرسب ديننا وتغرينا بدنيا ليست الا دار فناء
ارجو ان نتواصل لتحقيق ولو شمعه في طريق الحق والله الموفق لما فيه الخير
واعتزر للاطاله
وعلي فكره
انا غاوي الموضوع ده جدا وسبب معرفتي بعبد الفتاح الطوخي اني كنت من الشاذليه وبعد وفاته كنت غاوي اصور المخطوطات من سيد الحسيني قبل ما يلعب فيها وهو كان بطني يعني غدوه كباب وكنت اصور اللي انا عاوزه لكن علاقتي بيه ماتعدتش اكتر من اني بشتري منه صور المخطوطات

والله يرحمه مات في نص الشارع في مدينة نصر وعدت عليه نص عربيات الشارع بقدرة قادر يعني السواق كان يضرب فرمله من اول منزل الكوبري اللي قدام دار الدفاع والعربيه كانت تمشي وحدها لغايه بوابات عمارات السعوديه عشان تدوس عليه
تخيل ذنوبه ؟؟؟؟؟؟