حلمت أني كنت واقفة بمستشفى انتظر بس مدري وش قاعدة انتظر و ماكان فيه احد غيري و جت حرمة لابسه لبس المستشفى كأنها منومة عندهم وكانت شايلة بيدها طفل مولود ملفوف ببطانية بيضاء و متسخة بالتراب و حطته بالارض و مشت عنه و جيت انا ناظرت فيه وشفت انه لسى ماتنظف من آثار الولادة و و كانت جنبه بطانية نظيفة أخذت البطانية النظيفة و شلت الطفل فيها و مشيت متجهة لمكان ببالي انه المطبخ بس لما فتحته لقيته معمل للعلوم يعني كني صرت بمدرسة و كان فيه مغسلة و حطيت الطفل فيها و غسلته ولفيته بمنشفة شفتها موجوده جنب المغسلة و شفت جنبها ملابس للطفل و فرحت مررره و لبسته ملابسه و بعدين حطيته على الارض و صار يمشي يعني كأن صار عمر سنة تقريباً و كنت اقول بنفسي انه هذا ولدي و مشيت و كأن المكان تغير و صرت كأني بغرفة و معي طفلين كأنهم اولادي البسهم ملابسهم كأننا نبي نطلع الطفل الاول عمره سنة تقريباً شلت الملابس الداخلية منه كأني خايفة تتبلل بالمطر لاني كنت سامعة صوت المطر و لبسته بنطلون كحلي و بلوزة حمراء و الطفل الثاني عمره سنتين او ثلاث سنوات تقريباً خليت ملابسه الداخلية و لبسته بنطلون كحلي و بلوزة حمراء و بعدين طلعنا و كأني صرت ببيتنا و شفت نفسي بالمطبخ و شفت بنات اعرفهم و كنا جالسين على الكراسي من البنات كانت صديقتي ندى و كان بيدها صندوق ذهب لأمي كأني انا عطيتها هذا الصندوق عشان تشوفه (بالحقيقة امي ماعندها هذا الصندوق ) وقلت لندى طلعيه عشان البنات يشوفونه و قالت لي وشو قمت انا مديت يدي للصندوق و اخذته و هو كان عبارة عن عقد ذهب كبير جاي بشكل تولة عطر طويلة و فوقها الابرة المغلقة وكان شكلها غريب و كنت ابعطيها لمريم (اخت صديقتي وضحى) لكن لما اعطتيها هي مدت يدها بس لما تركت العقد هي سحبت يدها بقوة و طاح العقد و شلته و استغربت منها و كنت اقول بنفسي يمكن لانها مو متزوجة عشان كذا مقدرت تأخذه ( مريم بالحقيقة متزوجة و لديها طفل) و بعدين عطيت العقد لبنت عمي اسمها نورة و اخذته مني و ناظرت فيه ثم قالت لي وشو هذا تقصد اللي زي التولة من تحت انا قالت هذي تنحط فيها اي حاجة انتي تبينها ثم فتحت العقد و شفت بنفس شكل التولة علبة دهن العود ريحته حلوه وبعدين رجعتها للصندوق و كأني شفت ابوي و اعمامي و اخوالي كلهم بالمطبخ و رحت عند البرادة عشان اشرب موية شربت كأسه مويه يالنهاية صار طعمها مر و عبيت لي كأسه ثانية و قاعدة اشربها الا مر من عندي ولد خالي وانحرجت وقلت بنفسي ليه دخل بالمطبخ مايدري اني هنا و كملت شرب و صار اللي بالكاسه عصير فراولة مو موية و كمان بنهايته صار طعمه مره وبعدها شفت ابوي غير مكان الثلاجة وانتهى الحلم