بسم الله الرحمن الرحيم

السلام عليكم و رحمة الله و بركاته .., اما بعد:

انا فتاة عزباء عمري 22 سنة موظفة

حلمت اني انجبت طفل ابيض و شعره اشقر و عيونه ملونين و كنت حاضنته طول الوقت وكان أول يوم لولادته و اجيت اطعمي بسكويت

الطفل نطق وقلي انا ما عندي اسنان و ضحك و لما ضحك بين عنده سن واحد
فقمت دخلت ع غرفتي و رضعته من الأيسر
و بعدين نيمته و رحت عند ماما و قلتلها شو سميته الولد قالتلي سميناه خلف تدايقت و عصبت وقلتلها ليه انا بدي عز الدين
ضحكتلي و قالتلي سميناه متل ما بدك
اه و كان الطفل لابس لبسه زرقه و انا ما كنت محضره حالي اني اولد يعني ما عندي اواعي إله ولا غيارات
وقلت لماما رحي ع السوق اشتريلي حرام واواعي عشان الدنيا برد
بس ماما قالتلي لا تلبسي اواعي كتير عشان ما يبرد .., قمت انا جبت حرام من البيت و غطيته في و كنت كتير مبسوطه في