السلام عليكم ورحمة الله وبركاته
ياشيخ أنا حلمت في عمتي المتوفاة بعد وفاتها بسنة والان مرة 3 سنوات وانا ودي افسره
دخلت الغرفة لقيتها جالسة على كرسي في زاوية الغرفة وكانت نحيفة ووجهها طويل وشعرها ابيض عكس لما كانت حيي كانت مليانه وشعرها مو ابيض
وكانت الغرفة عبارة مستوية تقريبا متر وبعدها زي الحفرة ولها درج ينزل لتحت
كانت جدران الغرفة داير مايدور كلها رفوف وفيها كتب وانا حبيت انزل من الدرج وهيا كانت جالسة في المكان المستوي فوق في الزاوية مو تحت في الحفرة
وانا لما بغيت انزل من الدرج كان قدام الدرج مجلدات من الكتب كبيرة وثقيلة وانا حبيت بس ابعدها وهيا طاحت وانا نزلت وبعد كدا لما نزلت جات عمتي وكانت الرفوف كلها فيها كتب
بس في الرفوف الي تحت كانت الله يكرمك جزم وملابس واغراض مش مرتبة نزلت وقالتلي رتبي الجزم وانا كنت اقلها طيب بس ماارتبها احطها في الرفوف بدون ترتيب اشيل الجزم وارميها بعدين جابتلي فستان مش مذكرة لونه وقالتلي دا فستاني(فستان العمه) لما كان عمري اربعة سنين انا حسيتها كذابة واخذت الفستان منها وبس

الثاني
حلمت انو بسة تجري ورايا في الغرف وكان البيت مش بيتنا غريب وانا كنت اشرد منهاوفي النهاية عضتني في ساقي او ركبتي..

الثالث
حلمت اني اقوم بغسل بيت مش بيتنا بس كانو رح يصير بيتنا بالموية والصابون وكانت الارضية مليانة وزغ وانا كنت اتجنب ادعسها وكنت متقرفة مرة وكانت الوزغ يتساقطوا من الجدران والسقف وانا اغسل
وبعدين رحت لشباك ابغى اسكره بس مايتضمن يعني في زر مشان ماينفتح من برا بس خربان يعني الي برا يقدر يفتحه ولقيت من الناحية الثانية كانو عامل اجنبي من الجنسية الهندية يساعدني في تسكيره وكل ماسكرته اجي افتحه الاقيه برضو ماتضمن وكنت مرة خايفة لانو الشباك ماكان عليه حديد..

جزاك الله كل الخير ياشيخ
عمري 23وانسة ومتخرجة ولا اعمل متدينة والحمد لله