السلام عليكم ورحمة الله وبركاته

هذه رؤيا لوالدتي أتمنى تفسيرها جزاكم الله الفردوس الأعلى من الجنة

سأذكرها على لسانها :

تقول رأيت رؤيا من فترة طويله ..وهي كأني كنت في مناسبة زواج لأبني الكبير (أ_30 سنه _أعزب _ يدرس في أمريكا وأموره في الدراسه متعقده قليلا)
وكأني كنت في غرفة في نفس القاعه اللي فيها الزواج وكانت أختي الصغيرة واقفه معي في الغرفة (متزوجة وعندها أولاد وبنات متزوجين وعازبين ) ،
بينما كنت عند المراية في لحظة طلت علينا من خلف الباب واحده من بنات عمي الصغيره هم موجودين في الرياض في نفس المدينه اللي أنا فيها
(اختي وأهلي كلهم في مدينة ثانيه ) المهم نظرت لي وتبغى تروح قلت بسرعه زين وصلتوا ، الا اختي الصغيره لما شافتها نادتها ترجع
وأخذت من شنطتها اللي كانت على التسريحه عند المرايه بطاقة زواج وتقول لبنت عمي خذي عشان تجون تحضرون .

فجأة الا أسمع أختي تقول أمي جيتي وأنتي ميته طالعت بسرعه على الباب الا أشوف أمي نفس شكلها ماتغيرت واقفه على فتحت الباب
وحاطه ايدينها على فتحة الباب اليمين والشمال ولابسه عبايتها ودراعه =(فستان على شكل جلابيه )
لونها أزرق على سماوي (عادة أمي الله يرحمها ويغفر لها ماتلبس الوان مثل كذا ) قلت أإنا وااو فتح هاللبس أمي !

وقامت أختي تبكي وأنا أصيح وأبكي بحرقة وجتنا على بكائنا بنت أختنا الكبيره (س – عندها بنتين وولدين اثنين منهم متزوجين )
قالت اذا بتبكون ابكوا بصوت منخفض لايسمعونكم الناس .
وكأن عندي صندوق فيه فاكهه كمثرى وجوافه وبخاره حمراء قلت أكيد أمي تبغى فاكهه كانت تطالعها وهي تحب الكمثرى
لانها كانت دائما تقول عطيني كمثرايه لينه وهذي تصلح لها وأخذتها بيديني من الصندوق قلت بأغسلها وأعطيها أمي ...

امي متوفيه صار لها تقريبا أكثر من سنتين الله يرحمها ويغفر لها
والله يسعدك ويوفقك ويجزاك كل خيير