السلام عليكم ورحمة الله وبركاته
أرجو تفسير رؤيا والدتي جزاك الله كل خير ..
تقول أنها رأت أم زوجي تكلمها بالتلفون عن مشكلتي وكأنها تقول لها أنهم كلهم غلطانين ومخطئين
ان هذا قال وهذي قالت , تقول كأني قلت لها والله بعد أنا بغيت أكلمك علشان هالطفل مع الرقيه زادت عصبيته
وصدره ضايق بزياده ولاينام زين (فعلا صاير هالشي في الواقع )

المهم تقول كنت أكلمها وأنا أمشي بعدين حسيت كأني وقفت على شي مرتفع مثل المربع كأنه غطاء خزان
أو غرفة تفتيش للمجرى وكأني أحرك وأمرجح الغطاء برجولي بعدين حسيت بنفسي وأنا أكلم
نظرت تحتي وشفت كأنه غطاء دائري ولونه مثل البحر زراق على بياض وكأن فيه رسمة
طير فارد أجنحته كأنه صقر وعلى الجناح خطوط من الحديد على نفس الغطاء
بعدين حسيت كأني أبالغ في كلامي عن الولد وكأني خفت أنك تجين وتعصبين (تقصدني )وتقولين
كأنك تقولين يالله تعالوا راضوها (في الواقع فعلا انا اتنرفز واتضايق لما احس ان امي تبي او تفكر حتى
تناقش المشكله مع زوجي او تصلح الموضوع هي حاطه في بالها انه هو شخص كويس بس مشكلته
يأخذ كلام من اهله ومخليهم يديرون حياته وانا من وجهة نظري حتى لو كان هو كويس وين عقله مايفكر فيه
ويميز الصح والغلط مو بس ياخذ الكلام من اهله ويطبقه كأنه مايعرفني هو تركني بدون سبب كل هالمددده
ولافكر حتى يوضح لي ولافكر حتى يسأل عن ابنه معناته انه مايبيني واللي مايبيني انا بعد ماعاد ابيه )
المهم تقول كأن كلامي بدأ ينخفض خفت تجين وبديت اتردد في الكلام وأحاول انسحب عن الكلام ..

عمري 25 سنه
مطلقه انتهت العده وهالطلاق تم بعد هجر 6 شهور بدون ما اعرف وش السبب .
اهل زوجي كانت تصرفاتهم معي غريبه وبزيادة في الفترة الاخيره وتضايق
ويتعمدون لي الاهانه على اتفه شي بدون ما اعرف وش سبب هذا كله !!!..
عندي ولد عمره سنتين ..
والله يعطينا خير هالرؤيا وخير مافيها وأعوذ بالله من شر هالرؤيا وشر مافيها ..
والله يوفقك ويسخرلك ويجزاك الفردوس الاعلى ..