ارجو التفسير
 

السلام عليكم و رحمة الله و بركاته

حلمت اني بمكان مليان بنات شبه مظلم وفيه طاولات وكنت جالسه ع طاوله مستطيله وطويله مع صديقه قديمه اسمها شهد ونشرب الشاي وكأنه خلص الشاي وسويت ثاني وانا بمكاني اخذت الليبتون وغمسته بفنجاني عدة مرات وخرجته وغمسته بفنجانها وشربنا وكنا نبتسم
و بعدين رن جوالي وكان رقم غريب رديت واسمع صوت بنت تقول باركيلي اتزوجت وانا حسبتها اختي اللي اصغر مني قلتلها مبروووك وانا من جوا كنت متضايقه انها تزوجت قبلي
بعدين سألت مين انتي قالت انا فلانه ( شغالتنا القديمه لها اكثر من 6 سنين مسافره ) وتقولي اكلمك من اندونيسيا وكانت مبسسوطه مرا وتكلمني بسرعه بسرعه وقالت انا لازم اقفل انتي اتصلي علي و قفلت بدون ماتسمع ردي وكنت اقول ببالي مااقدر اتصل عليها اخاف و اشوف الجوال كان مكتوب فرنسا قبل الرقم ..بعدين صرت بمكان زي البيت و كنت اكلم امي اقولها الشغاله كلمتني بتبشرني بزواجها قالت امي ايوا في رقم خارجي قبل اسبوع اتصل علي ومارديت وجلسنا نتكلم انا و امي انها كيف جابت رقم جوالي وهيا ماتعرفه ..انتهى

عمري 20 جامعيه عزباء
الخادمه سافرت من فتره طويله بس نذكرها بالخير وكانت مرا تحبنا وطييبه
صديقتي شهد انقطعت علاقتي فيها
كانت صداقة دراسه سنه وحده بس

رد: ارجو التفسير
 

بسم الله الرحمن الرحيم
أختي الفاضلة الكريمة
يدل مجمل الحلم على أن صديقتك وخادمتكم يذكرانك وأهلك بكل خير ويمدحوك وقد يكون تزوجت الخادمة وكانت تتمنى دعوتك وأمك لحضور حفل زواجها .
والله تعالى أعلى وأعلم