راقية شكيت انها دجالة!!
السلام عليكم ورحمة الله وبركاته
عندي مشكله الا وهي كنت ذاهبة لراقيه امراءة ولاحظت عليها شي غريب حسيت انها دجالة وماارتحت لها ابد مع العلم اني اروح لراقاة بس هذي غير اول شي تجويدها ليس صحيح وتقول اللهم ان كان فيها عين ارضيه فاخرجها ياربنا بالصلاة والسلام على رسول الله وثاني شي او ماندخل عليها تتنبأ وبدون قراءة القران تقول فيك عين وفيك وفيك ...!!!! استغربت منها والمراه تكلمها وتناظر الفلوس اللي بيدها لاتقولون اني شكاكة أو اظر بالدين بشي لا بالعكس لكن فيه اللي يستغلون الدين لمصلحة شخصيه والعياذ بالله او سمعه او مال ابغى اعرف هل ::: يعرف الراقي مافي المريض قبل مايرقيه؟؟ ابي اعرف لو سمحتو وكان يدور علي ذباب وكانت تقول انتي فيك عين ارضي!! واالدليل الذباب يدور عليك والمرة الثانية غيرت مكاني ولاجاء الذباب فوق راسي هل هي دجالة وارجوكم تدلوني على راقي جيد في منطقة الرياض جزاكم الله كل خير |
رد: راقية شكيت انها دجالة!!
اقتباس:
وأم العين ارضيه فهذه بعيد عن شرع رب البريه أنما ثبت في صحيح السنة العين قسمين من الجن والإنس أم ارضيه فهذه لم تثبت . الذباب يقع على الإنسان المعيون أو غير المعيون . و الله المستعان . |
رد: راقية شكيت انها دجالة!!
جزاك الله خير
افدتني كثير طيب ممكن سؤال انا عندي ارتفاع في هرمون الحليب هل هذا عين مع العلم كنت حامل وسقط الجنين في عمر صغير وبقي في الحظانه وتوفى وماحملت بعدها ولاكشفت ايضا ماادري مااشعر بشي بس دهنت منطقة الصدر بزيت الزيتون المقري وظهر حبوب واحس بعض الاحيان بخرارة وشعور كان فيه حليب فقط يوم ذهبت للراقيه اوجعني حلقي جدا احس انه ثقيل جدا وفقط وذهب الوجع ويجي وشكيت انه لوز مع بداية البرد وماقد عانيت منه وشفيني ياشيخ تعقدت من نفسي وانا مطلقه ويجيني خطاب عادي بس قالت لي الراقيه اللي سبقت اني قلت لك عنها كل ماتزوجتي راح تتطلقين ارعبتني بكلامها الله يسامحها تقول فيك مس عاشق مع العلم مااقرت علي الا مرة مدري كيف مااحس بشي بس وسواس في الصلاة بس اعصب بسرعه ولكن الآن امسك اعصابي واسمع القران عادي بس ذا الايام صرت اسمع رقيه وحلقي احس كان واقف فيه حديده ويجذبها مغناطيس في الارض وبيطيح مدري ليش؟؟؟ علمني لاتتضايق من كلامي بس اخاف من الرقية والذهاب للمشايخ لان سمعتي ماراح تصير كويسه ارجوك افدني تكفى واذا كان فيني شي علمني او عطني رابط رقيه في البيت احسن اعذرني طولت عليك ونسيت احيانا يجيني من بعد الولادة رفس غريب في ظهري فجأة واخاف كثير ماسببه جزاك الله كل خير |
رد: راقية شكيت انها دجالة!!
بعد اذن المشايخ اشرطة الرقية تباع بالتسجيلات الاسلامية والقران كله رقية ولا تخافي من كلام المرأة التي قالت لكي ان فيك مس عاشق فهذا وهم ,وهرمون الحليب له علاج معروف عند الصيدليات بعد التأكد من ذلك , وأما الرفس بالظهر فعليك بالدهان بزيت الزيتون المرقي وما يحتاج تروحين شيخ فقط اشتري زيت واقري فيه الفاتحة سبعا والمعوذات ثلاثا واية الكرسي مرة واحدة وادعي بما شئتي ان الله يشفيك ثم انفثي على الزيت وادهني به يوميا قبل النوم ولو كان كامل الجسد لكان افضل,أما حلقك وكان فيه شيء فاتوقع والله اعلم ان هذا نتيجة تفكيرك السلبي المتواصل بان فيكي شيء والشيطان يفرح بتخويف الشخص حتى يتمكن منه ,واذا كنتي في النفاس لازم يكون عندك احد قريب ليؤنسك فسوف يذهب مابك من مشكلة والله الشافي .دمت بخير
|
رد: راقية شكيت انها دجالة!!
السلام عليكم ياوخيتي الرقيه وكلام الله فيه شفاء داومي عليه بس مايمنع انك تسوين تحليل شامل لأن كل الاعراض اللي قلتيها تجي بعد الحمل والولاده وبسب الاسقاط يعني امراض نسائيه سوي تحليل شامل وتبي تعرفين الخلل وين بالضبط وتبين تدعيلي اما اللي شكيتي انها دجاله فاستفتي قلبك وتوكلي على الله ولا عاد تتعاملين معها وما قدامك الا العافيه |
رد: راقية شكيت انها دجالة!!
جزاكم الله كل خير وفرج كربكم مثل مافرجتو كربتي الله يوفقكم ويرزقكم الاخلاص في القول والعمل وخشيته في السر والعلن ربي يفتح عليكم مثل مافتحتو علي ربي يرضى عنكم والصلاة والسلام على رسول الله جزاكم ربي الفردوس الاعلى |
رد: راقية شكيت انها دجالة!!
اقتباس:
ولك مثله |
| الساعة الآن 06:40 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2011-2012
جميع الحقوق محفوظة لمركز دراسات وأبحاث علوم الجان العالمي